155 കോടിയുടെ കോടഞ്ചേരി - കക്കാടാംപൊയിൽ മലയോര ഹൈവേയുടെ നിർമ്മാണം അതിവേഗം ULCCS യുടെ നേതൃത്വത്തിൽ പുരോഗമിക്കുകയാണ്. | Kodanchery - Kakkadampoyil | Hill highway | Kozhikode|

Photo | facebook/lintojosephmla

155 കോടിയുടെ കോടഞ്ചേരി - കോടഞ്ചേരി - പുല്ലൂരാംപാറ - പുന്നക്കൽ - കൂടരഞ്ഞി - കക്കാടാംപൊയിൽ മലയോര ഹൈവേയുടെ നിർമ്മാണം അതിവേഗം ULCCS യുടെ നേതൃത്വത്തിൽ പുരോഗമിക്കുകയാണ്. നിർമ്മാണം പൂർത്തിയാവുന്നതോടെ കേരളത്തിലെ പ്രധാന ഹിൽ സ്റ്റേഷൻ ആയി വളർന്നു വരുന്ന കക്കാടാംപൊയിലിന്റെയും സമീപപ്രദേശങ്ങളുടെയും മുഖഛായ തന്നെ മാറും.

സ്റ്റാർ ഹോട്ടലുകളും കാരവൻ പാർക്കും കൂടുതൽ ഹോം സ്റ്റേകളും വരുന്നതോടെ ധാരാളം ആളുകൾക്ക് ജോലി ലഭിക്കുകയും ചെയ്യും. കോഴിക്കോട് ജില്ലയിലെ മലയോര ഹൈവേയുടെ ആദ്യ റീച്ചാണ് 34 KM ദൂരമുള്ള കോടഞ്ചേരി - കക്കാടാംപൊയിൽ റോഡ് 12 മീറ്റർ വീതിയിൽ നിർമ്മിക്കുന്നത്.കോടഞ്ചേരി - പുലിക്കയം -നെല്ലിപ്പൊയിൽ - പുല്ലൂരാംപാറ - പുന്നക്കൽ - കൂടരഞ്ഞി - കൂമ്പാറ - കക്കാടംപൊയിൽ ആണ് പാതയുടെ റൂട്ട്. കോടഞ്ചേരി - മലപുറം - തലയാട് റോഡും തലയാട് - കൂരാച്ചുണ്ട് - വിലങ്ങാട് - തൊട്ടിൽ പാലം റോഡും മലയോര പാതയുടെ ഭാഗമായി 12 മീറ്ററിൽ വികസിപ്പിക്കും.  

വടകര സാൻഡ് ബാ ങ്കിൽ തീരദേശ പാതയുടെ ഭാഗമായി കുഞ്ഞാലി മരക്കാർ എന്ന പേരിൽ Hanging Bridge വരുന്നു...കൂടുതൽ വായിക്കാം
പാത കടന്നു പോകുന്ന പ്രാധാന അങ്ങാടികളെല്ലാം നടപ്പാത , LED lights , Landscaping , Handrails ഒക്കെ സ്ഥാപിക്കും , പ്രധാന ജംഗ്ഷനുകളിൽ സിഗ്നൽ സ്ഥാപിക്കും. മലയോര ഹൈവേ നിർമ്മിക്കാൻ കർഷകർ സ്ഥലം വെറുതെ സർക്കാരിനു കൊടുക്കുകയായിരുന്നു.12 മീറ്റർ വീതിയിൽ ആധുനിക റോഡ് വരുന്നതോടെ ടൂറിസം , കാർഷിക മേഖല , വ്യവസായ മേഖല യാത്രാ സൗകര്യം എന്നിവയിൽ കൂടുതൽ പുരോഗതി വരും.

Content Highlights : Hillhighway connecting Kozhikode districts Kodanchery - Pulikkayam - Punnakkal - Koodaranji - Koombara - Kakkadampoyil will complete this year. ULCCS . 34 KM . 155 Cr Project .